Showing posts with label BATANGENYO. Show all posts
Showing posts with label BATANGENYO. Show all posts
1. Witness sa Hostage Taking
Sa katatapos na hostage taking incident na nangyari sa maynila noong august 23 ng taong kasalukuyan isang witness ang lumantad upang isalaysay ang totoong nangyari sa insidente. Ganito ang naging takbo ng kanilang usapan...
Reporter: Papaano nagsimula ang lahat at papaano nakarating at nakasakay ang suspect sa bus?
Witness: Ay garne ho! Habang kamiy nakain ng aming almusal nung bukangliwayway nung lunes ay suminsay si kakang rolando. Ako ho'y nagitla ng masilayan ko ang kanyang mga abubot. Aba'y mga armas mo ho eh. Hindi ko na ga inurirat kung ano iyon ng makiusap na susuno sa akin pagluwas ko ng maynila. Pagsapit namin sa Maynila, ay bumaba na si Kaka at may nilimot na bagay sa lupa. Akala koy kung ano eh yun palay isang kitse lamang...
Reporter: Ano daw? (Sabay tumbling hanggang North Pole)
2. Airplane crashes at a town in Batangas
Isang eroplano ang aksidenteng nagcrash sa isang bayan sa batangas...
Media: Manong pakisalaysay ho ng nangyari?
Manong: Anla eh, garne ga takeng...habang akong nakikipaghuntahan sa aking kahanggan ay napaismid ako sa alapaap at nasilayan ko ang isang naglalagablab na bagay na animo bagay nasirok na papagayo. Ginagaling na laang at sa ilaya sa may sukalang kakahuyan nagpatak, kung sa bayan, talpog kang bata ka, sandamakmak siguro ang mauutas...
Media: Ano sabi mo?(sabay split)...
Ang isang blogistang batangenyo, hindi makukumpleto ang kanyang blog kung wala nito, Diksyunaryong Batangas, o di kayang Kaalamang Pangbatangas, sa iba naman ay Batangas Words of Wisdom. At para maging isang ganap na blogistang BATANG, gumawa din ako (all on list are usually used in my hometown), hindi ata 'to pahuhuli...hehehehe. At ito ay tinatawag kong BATANGAS DIK...listahan ng nawawalang salita mula sa baul ni lolo Apolinario.
- TAGAY - nakababatang kapatid na babae.
- KATANG - talangka.
- ULBO/KURAL - kulungan ng baboy.
- TANGKAL - kulungan ng manok.
- BARINGGAHAN - sink/lababo.
- SALAPE - singkwenta.
- ARILYOS - hikaw.
- APALYA - ampalaya.
- LAMUKOT - laman ng langka.
- SALAY - tanglad/lemon grass.
- ASBAG - yabang.
- TILAS - higad.
- IRIT - tili.
- BUMBA - poso.
- KILITIW - kuliti.
- LAGNAS - usually isang daanan ng baha mula sa bundok papuntang dagat.
- PARAGOS - maliit n parang kariton ng hinihila ng baka (means of transpo ng mga nasa paanan ng bundok, wala na ngaun nito).
- KINGKI - lampara.
- BILOT - tuta.
- LAYWAN - swarm of bees.
- MABUROK - maumbok.
- GATO - bulok or mahinang parte ng kahoy.
- TIBIG - patintero.
- TAKLUBAN - takipan.
- SANLAY - suman na di pa nababalot.
- BUGNOY - bulok na nyog.
- SAPAK or SAPAK BARO - larong piko.
- MALUKOM - pinggan na medyo malalim.
- MALANDAY - pinggan na medyo mababaw.
- UHOD - uod.
Ilan lang ang mga ito mula sa baul ng kaalaman ng aking lolo. Nawa'y nakapaghatid ito ng mumunting kaalaman ng mula sa aming probinsya. At mula dito masasabing ko sa sarili ko na...
I'm PROUD to be BATANGUENO.
P.S. HAPPY FIESTA (AUG.16) NGA PALA SA LAHAT NG BLOGISTANG LEMERENYO.
Batangenyo ako...
Ako po’y mula sa kanlurang BATANGAS.
Ama ko'y purong batangenyo.
Ang Ina ko'y mula sa kabilang ibayo.
Sa puntong 'ALA eh! batangas po ay kilala
Sa Kapeng barako kayo'y ga’y nahalina.
Balisong at Bagoong ay nais pong ipakilala.
Ganda ng dagat ay dinarayo pa.
Ng mga turistang mula sa Maynila.
Gobernador nami'y ga’y si ATE VI
Ala ay Iniwan ang movie industry.
Para ga sa Batangas ay magsilbi.
Masipag, tapat at matiyaga, iyang si ate Vi
Ngayon po akoy naandine sa ibayong dagat
Nakikipagsapalaran at nagbabakasaling marangyang buhay ay makamtan
Hirap at lungkot dito ay aking kalaban.
Dito mismo sa lupang dilaw (Chinese).
Upang kalungkuta’y maibsan
Bimili ng laptop.
At doon, blogosperyo’y nakilala
Maraming kwento. Maraming ngiti ditoy nakita.
Ibat-ibang lugar, iba-ibang kwento
Gayundin ang opinion nang aking mga kapwa OFW.
Sa pamamagitan ng letra,
Hinaing at sama ng loob dito ay naipapakita.
Salamat sa mundo ng sapot at ka’y blogosperyo
Lungkot ay inyong napawi
Sa mga kwentong mula sa aking kababayan
Akoy magpapaalam, na
Sapagkat akoy may pasok pa.
Salamat kaibigan sa pagbabasa
Ng aking tulang walang kwenta.
Ako po’y mula sa kanlurang BATANGAS.
Ama ko'y purong batangenyo.
Ang Ina ko'y mula sa kabilang ibayo.
Sa puntong 'ALA eh! batangas po ay kilala
Sa Kapeng barako kayo'y ga’y nahalina.
Balisong at Bagoong ay nais pong ipakilala.
Ganda ng dagat ay dinarayo pa.
Ng mga turistang mula sa Maynila.
Gobernador nami'y ga’y si ATE VI
Ala ay Iniwan ang movie industry.
Para ga sa Batangas ay magsilbi.
Masipag, tapat at matiyaga, iyang si ate Vi
Ngayon po akoy naandine sa ibayong dagat
Nakikipagsapalaran at nagbabakasaling marangyang buhay ay makamtan
Hirap at lungkot dito ay aking kalaban.
Dito mismo sa lupang dilaw (Chinese).
Upang kalungkuta’y maibsan
Bimili ng laptop.
At doon, blogosperyo’y nakilala
Maraming kwento. Maraming ngiti ditoy nakita.
Ibat-ibang lugar, iba-ibang kwento
Gayundin ang opinion nang aking mga kapwa OFW.
Sa pamamagitan ng letra,
Hinaing at sama ng loob dito ay naipapakita.
Salamat sa mundo ng sapot at ka’y blogosperyo
Lungkot ay inyong napawi
Sa mga kwentong mula sa aking kababayan
Akoy magpapaalam, na
Sapagkat akoy may pasok pa.
Salamat kaibigan sa pagbabasa
Ng aking tulang walang kwenta.
